Утре истекува рокот за пријавување на лицата што се позитивни на Ковид-19 или се во домашна изолација, а кои сакаат да гласаат на претстојните избори.
Како што соопшти Државната изборна комисија, пријавувањето ќе заврши на 8 јули на полноќ.
Овие лица што сакаат да го остварат правото на глас, регистрацијата може да ја направат и преку апликацијата за пријавување на гласање, поставена на веб-страницата на ДИК.
Лицата во изолација ќе гласаат в понеделник, 13 јули. Оние што ќе се пријават за гласање, ќе бидат посетени во своите домови од посебни избирачки одбори, составени од тројца здравствени работници и претставници на партиите.
