Надлежните за справување со корона вирусот се без компас. Глумењето нормализација води само кон ширење на заразата, изјави Лазо Јовчевски од ВМРО-ДПМНЕ.
„Вонредна состојба во државава се прогласуваше и кога имаше триесеттина новозаболени на ден, а сега кога имаме четири пати повеќе ситуацијата е нормалност. Во моментов активни мерки за спречување на ширење на вирусот скоро и да нема. Мерките во моментов се недоволни, и очигледно и нејасни за граѓаните. Не може да се глуми нормалност кога гледаме како бројката на новозаразени со корона вирусот околу 10 проценти од тестираните, а достигна и околу 20 проценти од тестираните лица“, рече тој.
Според Јовчевкси, ова говори дека многу порано требаше да се спроведува она што ВМРО-ДПМНЕ го предлагале – поголем број на тестирања на населението.
„Мора да има масовен скрининг на населението затоа што од ден на ден се поголем е бројот на новозаболени медицински лица“, кажа тој.
