Програмерите ќе бидат најбараните работници на пазарот на трудот во следните неколку децении.
Ова го изјави директорот за дистрибуција на технологија во „Јандекс“, Григориј Бакунов, за порталот „Газета.ру“.
„Може да се нарече професија на иднината. Токму овие експерти ќе го придвижат човештвото напред“, рече тој.
Бакунов смета дека ИТ-сферата може да се промени како резултат на масовното пренесување на луѓето на далечинско работење за време на епидемијата на коронавирус, пренесува Спутник.
„Пандемијата покажа дека програмерите можат да работат добро од далечина. Во овој поглед, луѓето кои живеат во оддалечени региони и мали градови, најверојатно, ќе работат добро во сериозни компании – тоа е фундаментална промена“, истакна експертот.
Минатата недела, експертите од Институтот за прогресивно образование рекоа дека по пандемијата, најверојатно ќе се бараат и советници за кризи, експерти за дигитализација, СММ (деловна промоција) и менаџери за содржини, како и експерти за управување со времето.
