Согласно новото времетраење на полицискиот час за време на викендот, од утре, (сабота) од 15 часот, па до понеделник (27 април) до 5 часот наутро, јавниот превоз нема да функционира, информираат од ЈСП.
Утре (25 април) автобусите од јавниот превоз ќе сообраќаат од 5 до 15 часот, по саботен возен ред.
На приложените фотографии се наведени последните термини на поаѓање пред 15 часот.
Останатите термини, граѓаните може да ги видат на интернет-страницата на ЈСП.
Отворени од 7:30 до 14 часот в сабота ќе бидат билетарниците во Аеродром, Ѓорче Петров, Драчево, Маџари, Бутел, билетарницата на Зелен пазар и таа во Автокоманда, кај дирекцијата на ЈСП.
Во истиот период ќе работат и центрите за персонализација во Карпош 2, на Бит-пазар и центарот кај железничката станица.
