Убиство кај Клиничкиот центар, син го пробол татка си со нож

Синоќа пред полноќ, во близина на Клиничкиот центар „Мајка Тереза“, син со нож го убил татка си.

Според информациите, починатиот е на возраст од 55 години.

Тој крвавел на пат кон болницата, каде што се упатил за да добие помош, но по патот им подлегнал на повредите. Кога пристигнале медицинските екипи, таткото веќе бил починат.

На убиството претходела семејна расправија, велат полициски извори.

Убиецот, на возраст од 24 години, бил пронајден и приведен.