65-годишниот Бил Гејтс, еден од основачите на „Мајкрософт“, го напушта управниот одбор на компанијата за да се посвети на своите филантропски активности. Тој вели дека сака да се фокусира на здравјето, развојот и образованието во светот и да работи на климатските промени.
Освен управниот одбор на „Мајкрософт“, Гејтс го напушти и управниот одбор на „Беркшир Хетавеј“, компанијата на милијардерот Ворен Бафет. Тој престана да управува со „Мајкрософт“ во 2008 година.
Гејтс се наоѓа на второто место на листата на „Форбс“ со најбогати луѓе во светот, веднаш по основачот на „Амазон“, Џеф Безос. Богатството на Гејтс се проценува на 103,6 милијарди долари.
