Државниот јавен обвинител Љубомир Јовески и основниот јавен обвинител на кумановското обвинителство Теута Бедиу-Рамадани денескa ги пуштија во употреба новите простории на Основното јавно обвинителство Куманово, опремени со средства од фондовите на Европската Унија.
Од денеска кумановското обвинителство е сместено на третиот кат во зградата на Основниот суд Куманово, со значително подобрени просторни услови за функционирање.
Со одлука на Државниот јавени обвинител од 1 март во кумановското обвинителство ќе почне да функционира и истражниот центар, за што е обезбедена посебна канцеларија во која ќе бидат сместени истражителите.
Во рамките на истиот проект финансиран со средства од ИПА-фондовите на Европската Унија, подобрени се просторните услови во вкупно 11 основни јавни обвинителства.
