Тешко повреден пешак во сообраќајна несреќа во Охрид

Шеесет и двегодишна жена е тешко повредена во сообраќајна несреќа што се случила вчера во Охрид.

Според информациите на полицијата, несреќата се случила вчера во 14.20 часот на улица Железничка во Охрид кога автомобил „пежо“, со охридски регистарски ознаки, управуван од С.Н.(33) од Охрид, удрил во пешакот З.С.(62) од село Велгошти, охридско.

Жената-пешак се здобила со тешки телесни повреди, по што била пренесена во Општата болница Охрид за укажување на лекарска помош. Извршен бил увид на местото на настанот од увидна екипа од СВР Охрид./Makfax