Струмица добива модерен откупно-дистрибутивен центар во вредност од 6.2 милиони евра, изјави генералниот секретар на СДСМ, Љупчо Николовски.
„Денес во Струмица со гордост може да го потенцираме и повториме проектот за модернизација на земјоделството. Проект на којшто СДСМ оваа Влада, министерството работеше во сите изминати месеци односно, две години интензивно се работеше да го финализираме. И пред два дена во Бордот на Светска Банка веќе е донесена одлука со којашто проектот за модернизација на земјоделството на Северна Македонија е одобрен, односно се одобруваат 46 милиони нови средства и пари за земјоделството. Од овие 46 милиони, 32 милиони евра се токму за изградба на откупно дистрибутивни центри. На тоа се потпираше и програмата и ветувањата на СДСМ за подобрување на состојбата во аграрот и за подобрување на откупот и пласманот на земјоделските производи. Еден од овие откупно дистрибутивни центри ќе се гради во Струмица и во Струмичко, односно 6,2 милиони евра се предвидени токму за откупно-дистрибутивен центар којшто ќе се гради во овој регион“ рече тој.
Николовски кажа дека во Струмица со земјоделците и граѓаните ќе разговараат за сите други предизвици во земјоделството.
