11.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈАИЗБОР

СДСМ: Денеска е денот Д за ВМРО-ДПМНЕ да се одлучи дали е против криминал

Предлог-законот за јавно обвинителство од денеска е во собраниска процедура и закажана е јавна дебата во Комисијата за политички систем, информираат од СДСМ, од каде додваат дека ова е последен повик до ВМРО-ДПМНЕ да престане да ја држи земјата во заложништво.

„Законот за јавно обвинителство овозможува сите предмети на СЈО, но и сите останати случаи, да имаат професионална и објективна завршница, затоа што само така ќе се врати довербата на граѓаните во правосудниот систем“, се наведува во партиското соопштение.

Од СДСМ сметаат дека единствена причина поради која партијата на Мицкоски не го поддржува законското решение е, како што велат, поради криминалот во нејзините редови и заради политиката на изолација што ја практикуваат.

„Политиката мора да остане надвор од изборот на обвинителите за да им се остави простор за независно, стручно и објективно постапување, а тоа ќе се постигне само ако се донесе законот“, стои во соопштението.

Според СДСМ, ВМРО-ДПМНЕ заедно со обвинети и осомничени партиски фунционери, како и пратеници, прават сè да ги загрозат правната држава и владеењето на правото.

Спонзорирано: