Куманово: Сакал да запали полициско возило, а потоа пукал во полицајците

Инцидент се случил синоќа во Куманово, кога се слушнале истрели.

Инцидентот се случил меѓу у полицијата и сѐ уште непознато лице, кое се обидело да опожари паркиран полициски автомобил.

– Лицето се дало во бегство, а по кусо време од страна на полициски службеници било забележано на улицата „Боро Прцан“, но не ја почитувало дадената наредба за застанување, туку вперило огнено оружје и испукало неколку проектили кон нив, по што побегнало. Нема повредени, соопшти СВР Куманово.