Франција сака прво да се преуредат постапките за прием на нови членки во Европската унија, пред таа да даде зелено светло за почеток на преговорите со Македонија и Албанија, пишува француски „Монд“. Франција под тој услов е подготвена да го повлече ембаргото за почеток на преговорите со Скопје и со Тирана, „пренесува Слободен печат.
Весникот пишува дека тоа го потврдил и првиот човек на Европскиот совет, Шарл Мишел, посочувајќи дека ако се постигне договор за модернизација на пристапната постапка, верува оти е можен напредок.
Францускиот претседател Емануел Макрон во средата му стави до знаење на хрватскиот премиер Андреј Пленковиќ во Париз дека Франција е подготвена за поместување, ако се промени методот на преговори.
Француски дипломатски извори за „Монд“ изјавиле дека преговорите какви што се сега може да траат со години, а земјите кандидатки за тоа време да останат надвор од Унијата. Таков пример во моментов е Србија, и тоа може да донесе намалување на волјата кај граѓаните за ЕУ. Затоа подобро е да се развие постапка за постепено подготвување на земјите.
ПОПУЛАРНО НА ИНТЕРНЕТ...
