На новинарско прашање околу кривичната пријава за дополнителниот заменик министер за земјоделство, пратеникот од СДСМ, Хари Локвенец, денеска изјави дека мешањето на третата власт е нешто кое не е карактеристика на ова парламентарно мнозинство и на оваа извршна власт.
– Мешањето во третата власт е нешто кое не е карактеристика на ова парламентарно мнозинство и на оваа извршна власт. Да ги оставиме правосудните органи да ја извршуваат својата работа а за опозицијата мислам дека нема потреба да зборуваме. Тие, таа нереформирана опозиција покажува дека останува да функционира како во изминатиот период додека беа мнозинство и на власт, ги покажуваат нивните ставови дека извршната власт треба да се меша во правосудната, што е минато во оваа држава. Македонија никогаш повеќе нема да се врати во форматот на заробена држава, никогаш повеќе извршната власт нема да се меша во третата, во правосудната власт и сигурно, сите ние заедно одиме напред кон евроатлатнските вредности, рече Локвенец.
