Centar.mk
БИЗНИСТЕМА

Полнете резервоари: Горивата поскапуваат пред Нова Година

Горивата од ноќеска на полноќ поскапуваат од половина до еден денар по литар, одлучи денеска Регулаторната комисија за енергетика (РКЕ). Со одлуката се врши зголемување на малопродажните цени на нафтените деривати во просек за 1,28 отсто.

Малопродажната цена на бензинот ЕУРОСУПЕР БС-95 се зголемува за еден денар по литар и ќе изнесува 68,5 денари. Малопродажните цени на бензинот ЕУРОСУПЕР БС-98, ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за половина денар по литар и сега ЕУРОСУПЕР БС-98 ќе чини 70,5 денари, ЕУРОДИЗЕЛ (Д-Е V) 63, а Екстра лесното масло за домаќинство (ЕЛ-1) 52 денари за литар.

Со одлуката на РКЕ за 0,904 денари по килограм се зголемува и малопродажната цена на мазутот М-1 НС и ќе изнесува 38,243 денари.

Како причина за зголемувањето на малопродажните цени на нафтените деривати од РКЕ ги посочуваат
зголемените референтни цени на нафтените деривати на светскиот пазар во изминатите седум дена и тоа кај бензинот во просек за околу 1,68 отсто и за околу 1,01 отсто кај дизелот, како и за 0,44 отсто повисокиот курс на доларот во однос на денарот.

Можеби ќе ве интересира

БРИСЕЛ СО НОВИ ЕКОНОМСКИ ПРОГНОЗИ – Еврозоната се очекува да порасне за 1,2 проценти годинава

ДЕСК

ХРВАТСКА ОД ДЕНЕСКА СО ПОЕВТИНИ ГОРИВА – Бензинот 1,56 евра, дизелот 1,82 евра за литар

ДЕСК

ГОРИВАТА ПОЕВТИНИЈА ВО ЦРНА ГОРА – Бензинот за седум центи, дизелот за три, познати се новите цени

ДЕСК