Centar.mk
МАКЕДОНИЈА

Стоилковски: Место да го истражи, Обвинителството сака да го преземе СЈО

Јавното обвинителство на Љубомир Јовески наместо истраги кон СЈО, денеска целосно сака да го преземе СЈО, онака како му е наметнато од власта, изјави на прес-конференција портпаролот на ВМРО-ДПМНЕ, Наум Стоилковски.

„Власта и Јавното обвинителство сè уште ги немаат суспендирано обвинителите и полициските службеници кои зеле илјадници евра од сметката на СЈО. И покрај излегувањето на аферата ‘Кеш’ во јавноста, власта не презема конкретни чекори за милионската афера. Наместо одговорност, денеска во Собранието Владата пушта предлог- закон со којшто СЈО преоѓа кај молчаливиот РЈО Љубомир Јовески“, рече Стоилковски.

Тој додаде дека статусот на вработените во СЈО требал да се реши со нов закон за јавнообвинителската сфера.

„Ова е гол обид на власта вака да ги спасува роднините и блиските на СДСМ непотистички вработени во СЈО. Власта на овој начин сака да го премости носењето закон за ЈО сфера еден од условите за датум, на начин без опозицијата, без консензус, без договор, без прифаќање на 4-те постулати за кои веќе ги прифатија, а беа поднесени од страна на опозицијата како дел на новиот закон за ЈО сфера по теркот на светските норми. Очекуваме одговорност за сите инволвирани во незаконските и расипнички дејствија во изминатиот период од СЈО. Доколку тоа не се случи сега, со сигурност ќе се случи по 12 април, кога со Обновата ќе се врати и правната држава“, порача Стоилковски.

Можеби ќе ве интересира

ДЕНЕСКА МОЖНА БЛОКАДА НА МАГИСТРАЛЕН ПАТ – Протест во Крива Паланка од 11 часот поради неконтролираното движење на добиток

ДЕСК

ДЕЖУРНИ ЛЕКАРИ И АПТЕКИ ВО САБОТА – Каде граѓаните можат да ги проверат здравствените услуги

ДЕСК

СДСМ: Крпен живот, кошничката се доближи до 71.000 денари – само за храна се потребни 26.000 денари

ДЕСК