За неполни две и пол години покажавме што значи економските реформи да се на прав пат. Уште во првите три месеци ја покачивме минималната плата на 12.000 денари за сите дејности, без притоа никој да биде дискриминиран. Со последното усогласување минималната плата се покачува на 14.500 денари со што минималната плата е порасната за 60 проценти, истакна потпретседателката на СДСМ, Мила Царовска на граѓанската трибина на СДСМ „На прав пат“ во Пробиштип.
Царовска потенцираше дека покрај минималната плата, расте и просечната плата за над 2.000 денари, со што се зголемуваат семејните буџети на најголем број семејства во нашата држава.
Законите кои ги носиме се доказ дека се грижиме за граѓаните. Го донесовме и Законот за субвенционирање на придонесите за сите компании кои ќе ги покачат платите на вработените до 100 евра. Ги мотивираме работодавците да ги мотивираат вработените, да градиме конкурентна и развојна економија,продолжуваме да инвестираме во човечкиот капитал, заклучи Царовска.
