Поповски го осуди нападот на новинари

Mинистер без ресор задолжен за комуникации, отчетност и транспарентност, Роберт Поповски, го осуди синоќешниот напад на новинари.

-Силно го осудувам синоќешниот напад на тројцата мои колеги новинари, Љупчо Цветановски, Дејан Андоновиќ и Петар Серафимовски. Мојот став е нула толеранција за каков било напад, притисок или закана врз новинарите и медиумите. Иако сеуште не е позната причината и лицата кои ги нападнале се надевам дека мотивот не е политички. Професионалните и независни медиуми се гласот на граѓаните во секоја демократска држава.Затоа ги повикувам институциите да покажат одговорност, да ги пронајдат напаѓачите и да постапат соодветно, напиша Поповски.