Американскиот Сенат го изгласа пристапниот Протокол за влез на Северна Македонија во НАТО. За протоколот гласаа 92 сенатори, а двајца беа против. Против беа републиканскиот сенатор од Кентаки Ренд Пол и републиканскиот сенатор од Јута Мајк Ли.
Амбасадорката на САД во Македонија, Кејт Брнс на Твитер напиша дека Сенатот го ратификувал протоколот и оти тоа е резултат на напорна работа и посветеност да се инвестира во иднината.
Претседателот Стево Пендаровски на Фејсбук им се заблагодари на САД. „Стратешкото партнерство САД – Северна Македонија продолжува во Алијансата придонесувајќи за глобалната стабилност и безбедност. #WeAreNATO, напиша Пендаровски.
САД се 25 земја членка што го ратификуваше протоколот, остануваат уште Шпанија, Исланд, Холандија и Франција.
