Министерството за надворешни работи на Република Северна Македонија го организира традиционалниот 23. дипломатски тениски турнир. Турнирот се одржува под покровителство на министерот за надворешни работи, Никола Димитров, а по повод националниот празник 11 Октомври.
На турнирот ќе учествуваат претставници на дипломатско-конзуларните претставништва и меѓународни организации во Република Северна Македонија, како и вработени во Министерството за надворешни работи на Република Северна Македонија.
Турнирот ќе се одржи на терените на ТК „Евросет“ во Скопје, со почеток во 9 часот, а доделувањето на наградите е предвидено за 13:15 часот.
