Владата на седница ја разгледа и усвои информацијата за покачување на платите во основното, средното, високото образование и во науката во за 10 проценти почнувајќи од исплата на платата за април 2020 година.
Со оваа информација, велат од Владата, откако ќе биде постигната Спогодбата со Самостојниот синдикат за образование, наука и култура (СОНК), вкупното покачување на платите од април идната година, во основното, средното, високото образование и во науката, ќе изнесува повеќе од 20 проценти, имајќи ги предвид претходните две покачувања за само една година, на два пати по 5 проценти.
