Знаеме дека постојат луѓе на кои им се лоши на кривини и од лоши патишта. Во нашиот случај кога ја започнуваме оваа кампања постојат и такви на кои што им се лоши и на прав пат, рече претседателот на СДСМ, Зоран Заев на денешната трибина во Штип.
– Знаеме секако за кои луѓе зборуваме, но ако, ним порано им подававме рака, се обидувавме да се помириме,да градиме единство и тоа ќе продолжиме во периодот кој што претстои пред нас да го правиме. Затоа што нашиот избор е единствен продолжуваме заедно со сите граѓани по вистинскиот по правиот пат, друг нема, рече Заев, пренесеува Центар.мк.
– 30 години доволно беше, проверивме се, правевме се, секакви обиди и експерименти. Конечно дочековме да бидеме земја нормална европска земја интегрирана во НАТО и Европската Унијата, земја во која се враќа владеењето на правото, во која расте економијата, во која што имаме шанса сите овде дома, рече претседателот на СДСМ Зоран Заев.
