Генералнниот секретар на СДСМ, Љупчо Николовски денеска во Ресен изјави дека Централното раководство на владејачката партија се приклучило кон традиционалниот јаболкобер, со цел да ја одбележат и оваа сезона.
„Тука сме заеднички и симболично да помогнеме на јаболкарите од овој регион, така како што и во претходниот период континуирано поддржувавме и носевме мерки и политики коишто носат развој на оваа значајна гранка и за овој регион и за целата наша земја“, рече Николовски и додаде дека уште од првата година од мандатот за 10 проценти ги зголемиле субвенциите по хектар.
Николовски нагласи дека годинава ќе биде заокружена со спроведувањето на проектот за зелена нафта. Рече дека 2170 земјоделци, овоштари од овој регион веќе ги подигнале и добиле своите зелени картички и средства за 30% поевтина нафта за земјоделската механизација.
ПОПУЛАРНО НА ИНТЕРНЕТ...
