Министерот за животна средина и просторно планирање, Насер Нуредини, денеска во Приштина се сретна со министерот за животна средина и просторно планирање на Косово, Фатмир Матоши. Во изјавата дадена на медиумите по состанокот, министерот Нуредини изјави:
„Се надевам дека од оваа средба ќе излеземе со низа иницијативи за плодна соработка меѓу двете соседни земји, затоа што јас верувам, а сите ќе се согласиме – животната средина не знае за граници“, изјави Нуредини по состанокот.
Министерот Нуредини нагласи дека Република Северна Македонија и Република Косово ги делат речиси истите проблеми со животната средина, загадувањето на воздухот, управувањето со отпадот, водата, природните ресурси, итн., и ја искажа својата длабока убеденост дека соработувајќи во правилното менаџирање со заедничките проблеми од областа на животната средина, стануваме уште поблиски како соседи, гледаме колку имаме заедничко и колку поголем бенефит имаме работејќи во партнерство. На крајот Нуредини изрази надеж за успешна идна соработка.
