Скопјанка на возраст од 41 година, која управувала електричен тротинет, е тешко повредена кога утрото на 4 септември во неа удрил автомобил „мерцедес“ со скопски регистарски таблички.
Автомобилот бил управуван од 18-годишник од скопското село Мојанци.
Незгодата се случила на крстосницата од булеварите Крсте Мисирков и Гоце Делчев, а од ударот тешко повредена била жената, која веднаш била пренесена во болницата „Св. Наум Охридски“.
Увид на местото на настанот извршила екипа од СВР Скопје.
