Форумот на жените на ДОМ најостро ги осудува, како што велат од таму, сексизмот, потценувањето и дискриминацијата на жените врз основа на род во фејсбук-статусот на портпаролот на ВМРО-ДПМНЕ, Наум Стоилковски.
„Излезе Заев со Нина Групировка за да си го претстави ребалансот… Сега е јасно дека со финансии министерува Заев, а Нина е џирло девојка – презентерка за владините светлечки јојоа и стомак-елиминатори“, стои во неговата објава.
Од Форумот на жените на ДОМ велат ваквиот говор на омраза е недозволив за кој било граѓанин, а особено за портпарол чија функција е да ги презентира ставовите на партијата.
„Конотацијата на текстот е навредлива не само лично за министерката за финансии туку, генерално, за жените. Ваквите сексистички содржини ги обесхрабруваат жените во нашето доминантно патријархално и конзервативно општество активно да се вклучат во политичкиот, економскиот и јавниот живот“, се наведува во реакцијата.
Според Форумот на жените на ДОМ, ваквите објави се дополнителен мотив за уште поинтензивно дејтсвување со цел реализирање на политиките за економско јакнење и зголемено учество на жените во политиката.
ПОПУЛАРНО НА ИНТЕРНЕТ...
