Во близина на Скопје се запалил камион управуван од албански државјанин

Во раните утрински часови на 3 септември во скопската полиција бил пријавен пожар во товарно возило на обиколницата, во близина на клучка „Мирковци“.

Како што информираат од МВР, пожарот настанал во камион марка „сканија“ со приколка и албанска регистрација.

Камионот бил управуван 45-годишен државјанин на Република Албанија, а пожарот избил додека возилото било во движење.

Огнот бил целосно изгаснат од екипа на бригадата за противпожарна заштита Скопје, а полицијата извршила увид на местото на настанот.