Сакате да работите во Германија? Платите не се мали, но откако ќе платите стан и храна – еве колку пари ќе ви останат

Многу луѓе од нашите краеви веќе си ја побараа среќата во Германија, а за некои тоа е опција.

Ако се вработите како градежни инжинери, во просек ќе заработите 3.000 евра бруто, значи 2.000 нето. Архитектите заработуваат слични износи, додека лекарите и математичарите заработуваат по 600, а информатичарите по 300 евра повеќе.

Келнерите, куварите и фризерите месечно примаат 1.000 евра, плус бакшиш. А автомеханичарите, електричарите и молерите околу 1.300 евра.

Се поголем број нови гастарбајтери од југоистокот на Европа во Германија работат како негуватели и медицински техничари.

Просечанта плата на негувателка со искуство изнесува 2.400 евра бруто, што е околу 1.600 евра нето.

Од тие пари, на стан и режиски трошоци, во зависност од градот на живеење, одат најмалку 600 евра. За храна во просек се издвојуваат 280 евра – по лице, додека месечна карта за превоз чини од 50 до 100 евра.