Времето денеска ќе биде сончево и многу топло со максимални температури кои на повеќе места ќе бидат над 35, во југоисточните делови ќе достигнат 40 степени, соопшти Управата за хидрометеоролошки работи.
Целата територија на нашата земја ќе биде во жолта фаза за високи температури. Попладне ќе има локален пороен дожд и грмежи, на места со услови за појава на невреме. Минималната температура ќе достигне 13, а а максималната 40 степени.
Во Скопје, сончево и многу топло со услови за пороен дожд и грмежи. Температурата ќе се движи од 19 до 37 степени.
До петок во попладневните часови на места ќе има пороен дожд и грмежи, а локално ќе има услови за појава на невреме. Потоа следува период на стабилно и топло време.
