Во текот на 25 јуни во полициските станици во Аеродром и Центар, скопјани пријавиле три напади од кучиња скитници.
Во првиот случај, 23-годишник околу 11 часот во полициската станица Центар пријавил дека на Кеј 13-ти Ноември бил каснат од куче-скитник во пределот на десната потколеница.
Потоа, во полициската станица во Аеродром околу 13:45 часот 66-годишна жена пријавила дека на булевар „Видое Смилевски Бато“ била касната од куче-скитник во пределот на левата нога.
Во полициската станица во Центар околу 17:30 часот бил пријавен уште еден напад од улично куче од страна на 35-годишен скопјанец кој пријавил дека неговата малолетна ќерка била касната на улица „Ѓорѓи Пешков“.
