Од 1 јули започнува мерката поврат на 15% од платен ДДВ кај граѓаните, објави денеска УЈП на прес-конференција.
Секој граѓанин ќе може да побара поврат на ДДВ преку апликација на мобилен телефон. Граѓаните ќе треба да ги скенираат фискалните сметки преку апликација на мобилен телефон, а системот на УЈП автоматски ќе пресметува колку пари ќе бидат вратени кај граѓаните.
Начинот на кој граѓаните ќе можат да го остварат ова право е едноставен и брз, без административни процедури и чекање на шалтерите.
Условот за користење на оваа апликација е да сте регистрирани на услугата Е-персонален данок. Потоа едноставно само ќе треба да ја симнете апликацијата на мобилен телефон, да се најавите со податоците од Е-персонален данок, а последната фаза е скенирање на фискалните сметки.
Едно четиричлено семејство нема да може да добие поврат поголем од 28.800 денари.
