Демократскиот сојуз смета дека независно од одлуките на Советот на Европската Унија за почеток на разговорите за влез во ЕУ, Македонија треба да продолжи со реформите и имплементација на европските стандарди, бидејќи тоа е од интерес на сите граѓани.
Според партијата, јакнењето на демократските капацитети на институциите, слободата на медиумите, стабилноста и правната сигурност се курцијални за иднината на државата.
„Преспанскиот договор, како и договорот со Бугарија, не треба да се клучни предуслови за интеграција во ЕУ, туку реформите и постигнатите резултати, но ЕУ инсистираше на разрешување на отворените прашања со соседите и тие наши отстапки мора да ги вреднува и валоризира“, велат од партијата.
Демократскиот сојуз оценува дека започнатата постапка за прием во НАТО и реформските процеси ја обврзуваат Владата да работи со целосен капацитет, а вонредни парламентарни избори по самитот на НАТО закажан за крајот на оваа година во Лондон.
НАЈЧИТАНО НА ИНТЕРНЕТ...
