Секогаш во средиштето на збиднувањата...

Заев објави: Го стабилизиравме пензинскиот фонд

Во овие две години за околу 720 денари се зголемени пензиите. Знаеме каков бил просекот на пензијата знаеме колку сега, сепак тоа е малку, рече Заев во вечерашното гостување на МРТ.

Заев објави дека се работи да маме пензински систем кој ќе има пари за пензии на сегашните корисници кои работат, а не само на сегашните пензионери. Ние го стабилизиравме пензискиот фонд, потенцираше премиерот Зоран Заев.

Премиерот соопшти и дека се донесени мерки со кои се намалени дел од трошоците на граѓаните.

– Каматите паднаа на кредитните линии, трошоците ги намаливме на многу места, ефтина тарифа на струјата рече премиерот Зоран Заев, најавувајќи дека ќе продолжат ваквите мерки.

Министерката за труд и социјална политика Мила Царовска откри пак дека во 2017-та година кога СДСМ дошла на власт од претходната Влада немало предвидување никакво покачување на пензиите, што потоа било направено со ребалансот кој го донесе мнозинството предводено од СДСМ.