Додека Љупчо Николовски менува функции, а Зоран Заев шета по црвени теписи, над 4300 хектари земјоделски површини во Овче Поле се два месеци се без наводнување, обвини Цветан Трипуновски, член на ИК на ВМРО-ДПМНЕ.
„Иако сезона за наводнување вообичаено започнува околу 15-ти април, речиси на целото подрачје на територија на Подружница Овче Поле која го опфаќа регионот од Балван до Каратманово, не може да се испорача вода за наводнување. Наводнувањето на земјоделските посеви во Овче Поле е неопходно. Доколку нема наводнување, земјоделските приноси значително ќе се намалат, а земјоделското производство ќе стане речиси неисплатливо“, рече тој.
Љупчо Николовски и Зоран Заев, истакна Трипуновски, мора да одговорат зошто земјоделците во светиниколско два месеци немаат вода за наводнување. Тој прашува кој ќе ја покрие штетата од намалените приноси а земјоделците ќе претрпат огромни загуби?
