На покана на министерот за надворешни работи и европски прашања на Словачка, Мирослав Лајчак, министерот за надворешни работи Никола Димитров, во Братислава ќе учествува на Министерскиот состанок на земјите од Вишеградската група и земјите од Западен Балкан.
Вишеградската група – В4, која ја сочинуваат Полска, Чешка, Словачка и Унгарија, е традиционален поддржувач на европската перспектива на Балканот. Потврда за тоа претставува и одржувањето на редовните годишни состаноци во овој формат, помеѓу министрите за надворешни работи на В4 и Западен Балкан.
Овогодишниот состанок во Братислава се одржува во рамките на Словачкото претседателство со Вишеградската група. Темите што ќе бидат предмет на дискусија на состанокот се унапредувањето на реформскиот и евроинтеграциски процес на земјите од Западен Балкан – научените лекции, а ќе се разговара и за заедничката европска иднина во новиот геополитички контекст.
ПОПУЛАРНО НА ИНТЕРНЕТ...
