Потребна е метла што ќе го измете Заев, таа метла ја имаат граѓаните, а Заев ќе ја осети на изборите, реагира опозициската ВМРО-ДПМНЕ, откако синоќа на состанок во СДСМ беше разрешен дел од партиското раководство.
„Животот ќе почне кога Заев ќе си отиде од власт. Зоран Заев лично е виновен за сè што ѝ се случува на Република Македонија.
Зоран Заев нема да се сокрие позади оставката на неговиот слуга Павле Богоевски. Заев нема да се сокрие и позади Спасовски, Кирацовски, Ременски, Зекири, Манчевски и Шилегов, кои беа катастрофа за СДСМ, но уште поважно е дека тие се трагедија за Република Македонија.
Метлата е очигледно само фарса, сè додека не си заминат неспособните функционери и од државните функции на чело со Заев и Шекеринска. Заев треба да престане да се обидува преку театар за наводна метла да ги отргне граѓаните од реалноста и проблемите со кои секојдневно се соочуваат“, се наведува во реакцијата на ВМРО-ДПМНЕ.
НАЈЧИТАНО НА ИНТЕРНЕТ...
