На магистралниот пат Струмица – Граничен премин „Ново Село“, помеѓу селата Дабиле и Босилово во утринските часови на 18 мај се случила тешка сообраќајна незгода во која животот го загубил 61-годишен жител од Босилово.
Како што информираат од МВР, 61-годишникот управувал автомобил „фиат браво“ со струмички регистарски ознаки, при што во еден момент излетал од патот и удрил во дрво.
Од здобиените повреди, возачот починал на местото, а смрт констатирал лекар од Итна медицинска помош. Увид на местото извршила увидна екипа од СВР Струмица.
