Со отворање на јавниот повик за набавка на гориво за земјоделска механизација започна реазлицијата на мерката за субвенционирање на трошоците за набавка на нафта за земјоделска механизација популарно наречена „зелена нафта“, информираат од владејачката СДСМ од каде додаваат дека со мерката ќе бидат опфатени 55.000 земјоделци.
„На овој начин кај земјоделците се враќаат околу 200 милиони денари или над 3 милони евра, средства што Министерството за земјоделство шумарство и водостпанство ги обезбеди преку Програмата за директни плаќања за 2019 година“, стои во партиското соопштение.
Во него се наведува и дека со „зелената нафта“ ќе се намалат трошоците на земјоделците и ќе се зголеми конкуретноста на земјоделското производство, а субвенционирана нафта ќе можат да набавуваат и најмалите земјоделци.
„Владата предводена од СДСМ продолжува со вистинска грижа за земјоделците и останува посветена на мерките што обезбедуваат повеќе пари и повисок стандард за земјоделците“, порачуваат од владејачката партија.
ПОПУЛАРНО НА ИНТЕРНЕТ...
