Министерството за внатрешни работи во дневниот билтен јави дека три лица вчера се оддалечиле од својот дом, а две кои претходно биле пријавени за исчезнати се пронајдени.
Имено, Д.Т од Скопје, пријавил дека на 9 мај околу 07,30 часот од дома во непознат правец се оддалечила С.Џ. (15), која била под негово старателство. Вчера и М.М. од Скопје, пријавил дека на 9 мај од дома во непознат правец се оддалечила А.М.(14). Двата случаи биле пријавени во полициската станица во Чаир.
Третиот случај го пријавил Т.Д (56) од Прилеп, кој пред полицијата рекол дека на 2 мај од дома во непознат правец се оддалечила неговата ќерка Х.Д (19).
Полицијата јави дека презема мерки за пронаоѓање на трите лица.
МВР соопшти дека вчера биле пронајдени Л.Ј (34) од с.Брвеница-Тетово, која исчезна околу 1 мај и лицето Б.Ј (19) од Тетово кое изчезна на 7 мај.
НАЈЧИТАНО НА ИНТЕРНЕТ...
