Денеска граѓаните гласаат во вториот круг од претседателските избори. Се избира петтиот претседател на државата, а гласањето го спроведуваат 80 општински изборни комисии на 3.480 избирачки места. Право на глас имаат 1.808.131 граѓани.
Во претседателската трка се кандидатот на СДСМ и коалицијата, Стево Пендаровски и на ВМРО-ДПМНЕ и коалицијата, Гордана Сиљановска Давкова.
Изборите ќе ги следат 3.381 домашен набљудувач и 520 странски набљудувачи акредитирани од ДИК.
Вчера гласаа лицата од казнено-поправните домови, внатрешно раселените, лицата кои се наоѓаат на издржување мерка куќен притвор и немоќните и болни лица кои го побарале тоа од општинските изборни комисии.
