На денешниот ТВ дуел на МТВ Стево Пендаровски ја прозва Гордана Сиљановска дека самата не верва во нејзиниот слоган и дека нема став за владеењето на Никола Груевски кое беше на штета на граѓаните.
Сиљановска не е претставник на правдата затоа што не кажа ништо за владеењето на фамилијата, за режимот, за скандалот со прислушувањето.
– Крајно цинично е што Сиљановска има формален слоган правда за татковината, а токму 10-12 години од владеењето на фамилијата се директна причина зошто во нашата држава немаше правда. Покрај тоа, Сиљановска не кажа ама никаков став за бегството на нивниот почесен претседател Никола Груевски. Не кажавте ништо за скандалот со прислушувањето на огромен број наши граѓани, не кажавте ништо за извештајот на Европската Комисија дека нашата држава е заробена држава во која не владее правото. Тоа не ме чуди затоа што во токму во тој период сте советувале и Иванов, рече Пендаровски.
