Заев од Прилеп: Повикувам на политичка и на професионална одговорност за секој што направил непотизам и го ускратил правото на граѓаните

„Еве ги денеска одлуките, директно испраќам наредба до сите, веднаш да се повлечат од работните места каде што се.

Само така ќе функционира системот. Државна антикорупциска комисија е независна институција и очекувам да ги соопшти резултатите што ги најави и за другата страна оти тие беа примерот за непотизмот во државата и целото партиско, но и роднинско вработување. Очекувам и за другата страна.

И секако повикувам на политичка и преофиоснална одговорност од секој што направил непотизам и го ускратил правото на граѓаните. Само така ќе ја средуваме државата и никако поинаку“, рече Заев на граѓанската трибина за поддршка на кандидатот за претседател Стево Пендаровски којашто вечерва се одржува во Прилеп.