Народот вчера ги победи сите остатоци од транзицијата – aнтидржавните политики и криминалот вчера беа поразени, велат од опозициската ВМРО-ДПМНЕ.
Како што истакнуваат од оваа партија, граѓаните сплотени и без страв рекле дека сакаат право и правдина.
„Гордана Силјановска-Давкова ја доби мнозинската поддршка од граѓаните. Од денеска Македонија има нова реалност. Власта е во слободен пад. Никој повеќе не се плаши. Гордана Силјановска-Давкова и ВМРО-ДПМНЕ победија над 30-ина партии што застанаа со СДСМ и Стево Пендаровски. Македонија победи. Стравот е поразен. За целосна победа и делегитимирање на оваа власт, потребна е победа во вториот круг“, стои во партиското соопштение во кое се додава дека Гордана Силјановска-Давкова е вистинскиот избор за право и правда.
ВМРО-ДПМНЕ ги повикува сите граѓани на обединување во вториот круг, со цел, како што велат, да се нанесе финалниот удар за пад на власта.
