– Кога ВМРО ја водеше владата во време на економски и политички кризи, се трудевме и носевме нови фабрики од странство за невработените и нископлатените да добијат работа и можности, напиша бегалецот Никола Груевски во екот на изборниот ден.
– Денес, кога економски кризи во Европа и светот нема, би требало да доаѓаат три пати повеќе нови инвестиции. Но денес нема речиси воопшто напор за убедување на нови фабрики и компании кои ќе отворат нови работни места, освен малку глума. А нема ни кој. Незнаат ни како. Ниту пак имаат воља и интерес да научат или да најдат некој кој знае.
Затоа сега, се повеќе, многу повеќе од порано, невработени и невреднувани спасот го бараат надвор. Таму кај што се фабриките, компаниите, можностите… кои никој не се труди да ги привлече и донесе, а Македонија секој ден е со помалку народ.
Всушност, не се само фабриките, невработените и нископлатените оние кои не ги интересираат, додаде Груевски.
Никола Груевски, поранашен премиер и лидер на ВМРО ДПМНЕ побегна од Македонија, во момент кога требаше да почне да ја издржува двегодишната казна затвор, за набавката на мерцедесот.
Груевски е обвинет во серија случаи на СЈО и ОЈО, меѓу кои и оној за Крвавиот четврток.
ПОПУЛАРНО НА ИНТЕРНЕТ...
