Кандидатот за претседател Стево Пендаровски вечерва им се обрати на граѓаните на Крива Паланка.
„Гласот за Силјановска-Давкова значи трет мандат за Иванов, гласот за Мицкоски на некои наредни избори ќе значи враќање на Никола Груевски. Името е друго, но политиките се исти. Да не дозволиме да се вратиме назад во црното минато, сите знаеме како беше за време на режимот“, рече Пендаровски.
Тој нагласи дека Македонија со поканата за НАТО има меѓународна потврда за својата безбедност и граници.
„Сега е многу важно да продолжиме напред. Со добивањето датум за почеток на преговорите со ЕУ ќе ни се отворат можности за поголем економски развој, напредок на земјоделството, здравството, образованието и инфраструктурата. Јас како иден претседател државата ќе ја носам напред кон целосна интеграција во ЕУ“, рече Пендаровски.
