ВМРО-ДПМНЕ бара оставка од министерката за правда, Рената Дескоска, која, како што тврди партијата, со службено возило била на митинг.
„ВМРО-ДПМНЕ најостро ја осудува злоупотребата на државни ресурси во политички цели од страна на високи функционери на СДСМ. Кога министерот за правда може да си дозволи со службено возило во маички од кампања да оди на партиски митинг можеме само да претпоставиме што прават пониските ешалони на СДСМ. ВМРО-ДПМНЕ бара министерот за правда Рената Треневска Дескоска веднаш да си поднесе оставка заради морална одговорност, а државната комисија за спречување на корупција, јавното обвинителство и другите надлежни институции да покренат прекршочни и кривично постапки“, велат од ВМРО-ДПМНЕ.
По оваа злоупотреба од страна на Дескоска, се вели во соопштението, сосема е јасно зошто СДСМ се противи на реформи кои ќе значат независно и професионално јавно обвинителство и судство.
