Потпретседателот на СДСМ, Оливер Спасовски, вчера беше со граѓаните од Дебарскиот Регион, каде што разговараше на повеќе актуелни теми и ги потенцира реформите што Владата ги реализира и поради кои, како што рече, државата, конечно, е на вистинскиот пат.
„Режимската власт на ВМРО-ДПМНЕ е главна причина што многу млади се иселија, но ние работиме целосно спротивно на нив. Нашите политики се во интерес на граѓаните и значат повисок животен стандард, повисоки плати, нови работни места, користење европски фондови. Нашиот пат кон ЕУ и НАТО значи дека ќе ги донесеме европските вредности кај нас за да ги задржиме младите дома“, порача Спасовски.
За разлика од концептот на Стево, рече тој, опозицијата нуди само изолација и враќање во темното минато, но додаде дека граѓаните нема да го дозволат тоа, туку ќе изберат вистински претседател за напредок и интеграција.
