Времето денеска е променливо облачно со сончеви периоди. Во јужните делови ќе има услови за повремен локален дожд, соопшти Управата за хидрометеоролошки работи.
Ќе дува умерен, а долж Повардарието и засилен југоисточен ветер, а максималната температура ќе биде во интервал од 13 до 19 степени.
Утре ќе преовладува умерено, до значителнио облачно време, попладне претежно во западните делови со локален дожд и ретки грмежи.
Под влијание на влажна и нестабилна воздушна маса во понеделник на повеќе места се очекуваат пообилни врнежи од дожд, над 25 литри на метар квадратен, кои локално ќе бидат поројни и проследени со грмежи. Потоа во следните денови ќе преовладува променливо облачно време со локален пороен дожд и грмежи, како и со пораст на дневната температура.
ПОПУЛАРНО НА ИНТЕРНЕТ...
