Министерката за одбрана, Радмила Шекериска изјави дека ја следат состојбата со мигрантите на јужната граница и подготвени се за соочување и со зголемување на притисокот.
Одговарајќи на новинарско прашање на НАТО трката во Скопје, Шекеринска рече дека поради лажни вести дел од бегалците помислиле дека балканската рута повторно е отворена и тргнале кон македонската граница.
„Подготвени сме да се соочиме и со зголемување на притисокот на границата. Тоа покажува дека важно да се биде буден и подготвен“, изјави Шекеринска.
Министерката оцени дека бил оправдан чекор тоа што на границата имало армиски присуство дури и во деновите кога таму немало ниту еден мигрант.
