14. октомври 2025
Centar.mk – Вести, бизнис, забава, спорт…
МАКЕДОНИЈА

Министерство за правда со реакција до Мицкоски

– Услов за отпочнување на преговорите со ЕУ не е донесување на било каков Закон за Јавно обвинителство, туку квалитетен закон кој ќе овозможи право и правда и казнивост на криминалот во нашата држава.

За жал, насоките кои ги добива претседателот на ВМРО-ДПМНЕ, г. Мицковски од неговиот менаџер од Будимпешта, а кои се претопени во амандмани, се против принципите на владеење на правото и правда во нашата држава.

Воедно, би сакале да ја истакнеме нашата согласност во однос на тежината на менаџирањето на процесот на носење на закон кој треба да ги отвори преговорите на ЕУ со нашата држава.

Законот со себе носи силни последици за сторителите на кривични дела. Тоа претставува посебна тежина во менаџирањето на процесот кој треба да овозможи продолжување на кривично гонење и финализирање на судски постапки против сегашни и поранешни високи функционери на политички партии, кои сега треба да го поддржат законот. Едноставно, тежината е во тоа што законот тангира голем број страни од кои се очекува поддршка во Собранието со цел отпочнување на преговорите со ЕУ, се вели во реакцијата на Министерството за правда до Христијан Мицкоски.

Можеби ќе ве интересира

Шукова за „Независен“: Скопје заслужува систем, ред и визија

ДЕСК

Млад кумановец измамен за 18.000 евра – еве како се одвивало сето тоа

ДЕСК

Неколкумина повредени во тешка сообраќајка близу Штип

ДЕСК
error: Соддржината е заштитена.