Centar.mk – Вести, бизнис, забава, спорт…
БИЗНИСТОП ВЕСТИ

Заев на средба со вработените во „Еурокомпозит“: Имаме понуда од инвеститори за трајно решение

Претседателот на Владата, Зоран Заев, во рамките на работната посета во Прилеп, заедно со заменик претседателот на Владата, Кочо Анѓушев и министерот за транспорт и врски Горан Сугарески, во придружба на градоначалникот на Општина Прилеп, Илија Јованоски, се сретнаа со вработените и менаџментот на акционерското друштво во државна сопственост „Еурокомпозит“.

Состанокот меѓу делегацијата на Владата и претставниците на „Еурокомпозит“ се одржа во конструктивна атмосфера и со единствена цел да се разгледаат предлозите за трајно решение на деценискиот проблем кој резултираше со блокирана сметка и заостанати долгови.На средбата беше истакната заедничката цел да продолжи производството, да се обезбеди ново производство, и да биде платен трудот на вработените.

На вработените им беа презентирани понудите од потенцијални инвеститори, а посебно внимание беше посветено на една од нив која има најповолни елементи. Се работи за инвеститор кој работи во областа на наменската индустрија сосема соодветна на профилот на „Еурокомпозит“, со што се отвора можност за решение во рамки на законите, кое ќе овозможи фабриката да продолжи да работи на задоволство на вработените.

На средбата меѓу владината делегација и претставниците на „Еурокомпозит“, заеднички е договорено да се разгледаат сите аспекти на решението и во следните 15 дена да се донесе заедничка одлука од интерес на вработените и за економскиот развој на регионот и на државата.

Можеби ќе ве интересира

Убава вест за пензионерите: Оваа наша банка веќе ги исплати пензиите ПРЕДВРЕМЕ! Важни се луѓето!

ДЕСК

Загрижувачки податоци: Над 11 илјади ДДВ обврзници или не поднеле ДДВ пријави или не го платиле данокот кон државата

ДЕСК

Уште три дена шанса за МИНИМАЛНА ПЛАТА ОД 500 ЕВРА! – Еве зошто од следната недела власта нема да има можност да го корегира минималецот речиси до крајот на годинава

ДЕСК